受け継ぐ想いを
未来へ届ける 望遠郷
ホーム > 市政情報 > 多文化共生・国際交流 > 外国人住民への情報発信 > 安城市生活ガイドブック > Gabay sa pamumuhay sa siyudad ng Anjo > 2.Pamumuhay
ページID : 27222
更新日：2025年3月13日
ここから本文です。
Bumalik sa talaan ng nilalaman
Tatlong araw (na bukas ang opinsina) bago umpisahan o itigil ang paggamit, kailangan isagawa ang aplikasyon sa pamamagitan ng pagtawag o pag-FAX sa tanggapan ng Waterworks Administration Department.
Oras ng tanggapan: 8:30 ng umaga hanggang 5:15 ng hapon (Maliban sa Sabado, Linggo at Piyesta Opisyal)
| Ipaalam ang mga sumusunod para sa pag-umpisa ng serbisyo | Ipaalam ang mga sumusunod para sa pagtigil ng serbisyo |
|---|---|
|
1.Pook kung saan gagamitin ang tubig |
1.Water Service Number |
|
2.Petsa kung kailan nais umpisahan ang serbisyo (Lunes-Biyernes lamang) |
2.Pook kung saan ititigil ang serbisyo |
| 3.Pangalan ng gagamit ng serbisyo |
3.Petsa kung kailan nais itigil ang serbisyo (Lunes-Biyernes lamang) |
| 4.Numero ng iyong telepono | 4.Pangalan ng gumagamit ng serbisyo |
| 5.Kasalukuyang address o tirahan | 5.Numero ng iyong telepono |
| 6.Bagong address o tirahan | |
| 7.Paraan ng pagbayad ng singil sa paggamit ng serbisyo |
Sa isang beses sa loob ng dalawang buwan (Tuwing ika-una hanggang ika-sampung araw ng buwan) ay may pupuntang tauhan na magbabasa ng metro para malaman kung gaano karami ang nagamit sa supply ng tubig.
Ang dalawang buwan na singil ay kailangan bayaran sa katapusan ng buwan.
Paraan ng pagbabayad: Cash o Paglipat ng halaga sa Bangko.
Mas madaling magbayad sa pamamagitan ng kusang pagbawas ng halaga mula sa perang nasa bangko para sa pagbayad ng singil sa tubig.
Maaaring mag aplay sa mga pinansyal na institusyon sa loob ng siyudad o Waterworks Administration Department sa City Hall, ngunit sa pag-aplay at sa pagproseso sa mga pinansyal na institusyon kinakalangan maisulat ang iyong Water Service Number kaya kailangan magdala ng papeles na may nakalagay na Water Service Number (Tulad ng meter slip).
May ipapadalang bill para sa pagbayad ng singil sa tubig tuwing ika-20 ng buwan at ito ay maaaring bayaran sa mga pinansyal na institsuyon, Convenience Store o sa City Hall at sa mga sangay nito.
【Para sa mga katanungan】
Suido Gyomu-Ka Ryoukin-Kakari (Waterworks Department - Fees and Rates Engagement)
TEL:0566-71-2249
FAX:0566-76-3436
Ang mga araw, oras at paraan ng paghihiwalay ng mga uri ng basura ay nakatakda depende sa lugar kung saan naka-address ang ating tirahan.
Ang mga basura ay hindi makokolekta kung hindi nasunod sa araw at paraan ng pagtapon ng basura.
Hindi din kokolektahin ang mga basura kung hindi ito itatapon hanggang 8:00 ng umaga.
Kung mayroong itinakdang kautusan ang samahan ng siyudad o namamahala ng mansyon (Tulad ng paggamit ng garbage plastik at paglagay ng numero) ito ay kailangang sundin.
Para sa karagdagang detalye ukol sa pagbukod at pagtapon ng basura, tignan ang “Sorting and Collection of Refuse and Resources” at “Garbage pick-up day calendar” na inilathala sa iba’t ibang wika. Maaari din ito makita sa website ng City Hall.
【Para sa mga katanungan】
Gomi Shigen Junkan-Ka (Waste and Recycling Department)
住所: Horiuchi-cho Nishi-shinden 2
TEL: 0566-76-3053
Ang pabahay ng munisipyo ay murang pabahay para sa mga taong mababa ang kita.
【Para sa mga katanungan】
Kenchiku-Ka Shieijutaku-Kakari (Construction Department - Municipal Housing Engagements)
TEL: 0566-71-2240
Ang Samahan ng Siyudad o CHONAIKAI ay organisasyon na binubuo ng bawat residente sa ating lugar na itinatag upang panatilihin ang kaligtasan at ipagkaloob ang mga benepisyo panlipunan sa loob ng komunidad.
Bukod pa rito, isinasagawa din ang mga programang panglokal para sa ikakabuti ng mga kabataan, pagtutulungan ng mga residente sa paglilinis, at mga gawaing pang-aliw, at iba pa.
Sa pamamagitan ng samahang ito, ipinagkakaloob ang mga impormasyon na kapaki-pakinabang para sa pang-araw-araw na pamumuhay tulad ng mga balita sa City Hall at sa komunidad kasama ang mga pagsasanay kaugnay sa pag-iwas sa mga kapahamakan.
Mahalaga ang pagsali sa Samahan ng Siyudad upang mapanatili ang ligtas at matiwasay na pamumuhay.
Para sa mga nais sumali sa samahang ito, sumangguni sa tanggapan ng Samahan ng Siyudad o Chonaikai sa pook na tinitirahan.
Tumawag lamang kung hindi alam ang detalye at numero ng Samahan ng Siyudad.
【Para sa mga katanungan】
Shimin Kyodo-Ka Chiikishinko-Kakari (Citizens Collaboration Department)
TEL:0566-71-2218
Kabilang sa pampublikong transportasyon sa siyudad ng Anjo ang tren (JR Tokaido Shinkansen, JT Tokaido Main Line Meittsu Nagoya Main Line, Meitetsu Nishio Line), Bus (Meitetsu Bus, Ankuru Bus, Centrair Japan International Airport Bus at JR Hightway Bus Lines), at serbisyo ng taksi.
Ang Ankuru Bus ay pampublikong transportasyon patungo sa pangunahing pasilidad at sentro ng siyudad.
Matanda at Bata: 100 yen bawat sakay
*Libre para sa mga batang nasa pre-school
1,000 yen ang tiket na maaaring gamitin isang buwan, nabibili ito sa loob ng Ankuru Bus.
Para sa mga residente na may edad na 75 taon at pataas o mayroong sertipikasyon ng pagiging may kapansanan, magiging libre ang sakay kung ipapakita ang sertipikasyon sa taga-maneho.
Para sa karagdagang impormasyon, tumawag lamang.
May support system para mag-isyu ng mga libreng tiket hanggang dalawang taon sa mga wala pang 75 taong gulang na boluntaryong nagbalik ng lahat ng lisensya sa pagmamaneho na may bisa pa.
Para sa mga detalye, pakisuyong kontakin ang Civil Safety Division (71-2219).
【Para sa mga katanungan】
Toshi Keikaku-Ka Sogo Kotsu-Kakari (City Development Department)
TEL:0566-71-2243
Ang mga aso ay kinakailangang irehistro nang isang beses sa loob ng kanilang pamumuhay.
Pagkatapos irehistro, kayo ay bibigyan ng lisensya na magpapatunay ng pagrehistro.
Ang lisensya ay kailangan mailagay sa kuwintas ng iyong aso.
Bayad sa pagrehistro：3,000 yen bawat aso
Lugar ng pagrehistro：Collective Injection Center, Outsourced Animal Hospitals, Environment City Promotion Department of City Hall
Ang mga asong may gulang na 91-araw at pataas ay kinakailangan at inuutusan na mabakunahan laban sa rabis isang beses sa loob ng isang taon.
Para sa mga asong narehistro sa siyudad ng Anjo, may darating na sulat tuwing unang linggo ng Abril para sa mga asong kailangang mabakunahan.
Panahon ng pagbabakuna：Abril hanggang katapusan ng Hunyo
Lugar ng pagbakuna：Mga group vaccination center, Mga animal hospital
【Para sa mga katanungan】
Kankyo Toshi Suishin-Ka (Environmental Sanitation Section Environmental City Promotion Division)
TEL:0566-71-2206
Kung nais ninyo na i-cremate (pagsunog ng bangkay) ang namatay na alagang hayop tulad ng aso, pusa, atbp., ilagay lamang ang bangkay ng alagang hayop sa loob ng plastic bag o sa karton at dalhin sa “Sogo-Saien (General Funeral Hall)”.
Hindi na kailangan ng reservation.
Hindi din pwedeng maiuwi ang mga buto ng alagang hayop kasi ito ay mass funeral.
Huwag gumamit ng styrofoam o plastic case.
| Oras ng Pagtanggap | 8:30 a.m. hanggang 4:30 p.m. | |
| Bayad sa pag-cremate | Taga-loob ng siyudad | 1,630 yen |
| Taga-loob ng siyudad | 3,300 yen | |
【Para sa mga katanungan】
Shimin-Ka Sogo Saien (Citizen’s Affairs Department - General Funeral Engagements)
TEL:0566-72-6626
Sa bansang Japan, ipinagbabawal ang paghinto ng sasakyan sa pangkalahatang kalsada.
Kaya kung ihihinto ang sasakyan, tingnan ang lugar kung may pinanghihintulutang paghinto ng sasakyan
Ang paninigarilyo sa pampublikong lugar kung saan maraming tao ang nagtitipon ay magdudulot ng malaking kapahamakan tulad ng hindi inaasahang sakit bunga ng passive smoking at pagpaso sa mga bata.
Sa siyudad ng Anjo, mahigpit na ipinagbabawal ang paglakad habang naninigarilyo sa mga lugar tulad ng JR Anjo Station, Mikawa Anjo Station (Shinkansen, Zairaisen) at paligid ng Meitstsu Shin-Anjo Station.