6.Buwis

Buwis

Bilang patakaran, ang lahat ng naninirahan sa Japan, kahit anumang lahi, ay kinakailangang magbayad ng buwis.

Ang buwis na ipinapataw sa bawat mamamayan ay kinukuha base sa naging kita mula Enero 1 hanggang Disyembre 31 at ang halagang ito ay kailangang bayaran sa pamahalaan.
Ibinabawas ng kumpanya sa buwanang sahod ang buwis na dapat bayaran mismo ng empleyado at isinasagawa na rin nito ang pagbabayad ng buwis sa pamahalaan.
Sa ilalim ng sistemang ito, isinasagawa ng kumpanya ang “Year-end Tax Adjustment” tuwing Disyembre upang ayusin ang halaga ng income tax.
Para sa mga “Self-employed” at mga empleyadong hindi ginagawan ng year-end tax adjustment, kailangang isagawa ang pagdeklara ng sariling kita sa Tax Office mula Pebrero 15 hanggang Marso 15 sa susunod na taon.

Kailangang magbayad ng Residence Tax ang sinumang may naka-rehistrong address sa Japan ng Enero 1.
Ang Residence Tax ay base sa kita sa nakaraang taon kaya hindi pa kayo makakatanggap ng abiso ng pagbabayad ng buwis sa inyong unang taon ng pagtira sa Japan.
Ang abiso ng pagbabayad ng buwis ay darating sa susunod na taon.
Para sa mga empleyado, ibabawas ng kumpanya sa sahod ang Residence Tax bawat buwan mula Hunyo hanggang Mayo ng susunod na taon.
Para sa iba, kailangang bayaran ang Tax Payment bill na ipapadala ng siyudad.

Ang buwis ay ipinapataw sa mga nagmamay-ari ng light motor vehicle, motorized bicycle, o maliit na two-wheel na sasakyan simula Abril 1 ng bawat taon.

Ang buwis ay ipinapataw sa mga nagmamay-ari ng lupa, bahay/gusali o mga “depreciable assets” (pag-aari sa pagsasagawa ng kalakal) simula sa Enero 1 ng bawat taon.

Ang Residential/Prefectural Tax (Sa ilalim ng Ordinary Collection), Light Motor Vehicle Tax, Property Tax/City Planning Tax at National Health Insurance Tax ay maaaring bayaran gamit ang Cash, Bank Account Transfer, Smartphone Payment App, o Credit Card Payment.

Ang statement of payment na nasa loob ng abiso ng bayaring buwis ay kailangan.
Ang mga taong pumili ng bank account transfer ay hindi maaaring magbayad sa pamamagitan ng credit card.
Ang pagbabayad sa pamamagitan ng credit card ay maaaring gawin sa “"F-REGI public money payment" na link sa website ng city hall. Ito ay maaaring gawin kahit anong oras (sa loob ng 24 oras) sa pamamagitan ng paglalagay ng impormasyon basta ito ay maisasagawa sa tinakdang panahon ng pagbabayad.
Ang deadline para sa pagbabayad ay hanggang 11:30 p.m.) Ang anumang dagdag na bayarin dito ay sasagutin ng taxpayer.

Ang statement of payment na nasa loob ng abiso ng bayaring buwis ay kailangan.
Ang mga taong pumili ng bank account transfer ay hindi maaaring magbayad sa pamamagitan ng Smartphone.
Paki-download ang app (PayB, PayPay, LINE Pay, au PAY) na magagamit mo sa iyong smartphone at magparehistro bilang user.
Ang isang barcode ay naka-print sa invoice.
Pakisuyong basahin ito gamit ang camera ng iyong smartphone at bayaran ito.
Ang mga pagbabayad ay maaaring gawin 24 na oras sa isang araw sa loob ng deadline.