5.Pagpapalaki ng bata, Edukasyon

Child Allowance

Single-parent Family Allowance

Children’s Club

Nursery School

Kindergarten

Certified Children’s Center

Paaralan

Suporta para sa Pagpasok sa Paaralan

Sistema ng Iskolar sa Siyudad ng Anjo

Suporta para sa Matrikula sa Pribadong Senior High School

Pag-aaral ng Wikang Hapon

Ang Child Allowance ay ipinagkakaloob sa nag-aalaga ng bata bago ito makapagtapos ng junior high school (Hanggang Marso 31 pagkatapos sumapit ang ika-15 taong kaarawan nito).
Bilang patakaran, ay dapat magkasamang nakatira sa Japan ang magulang at anak.
Para makakuha ng Child Allowance, kailangang isagawa ang aplikasyon sa munisipyo kung saan kayo ay naka-rehisto bilang residente sa Residence Certificate.
Bilang regulasyon, ang pagbibigay ng allowance ay magsisimula sa susunod na buwan pagkatapos ng pag-apply.

Sa ika-10 na araw ng buwan ng pagbibigay ng allowance, 4 na buwang halaga ng allowance ay ililipat sa itinalagang bank account.
Gayunpaman, kung ang ika-10 na araw ay natapat sa isang Sabado, Linggo, o holiday, ito ay ililipat sa mas maagang araw ng negosyo ng institusyong pampinansyal.

Ang mga allowance para sa mga single parent na mga pamilya ay binubuo ng Child Rearing Allowance, Aichi Orphan Allowance (partikular sa prefecture) at Anjo Orphan Allowance (particular sa siyudad).
Sinusuportahan nito ang mga batang wala pang 18 taong gulang (hanggang sa katapusan ng fiscal year matapos nilang umabot sa edad na 18) dahil sa diborsyo o pagkamatay, o kaya ay may malubhang kapansanan ang ama o ina (level 1 ng pensiyon ng kapansanan) (Ang Child Rearing Allowance lamang ang binabayaran sa mga may kustodiya o pangangalaga ng isang batang wala pang 20 taong gulang na mayroong pisikal at mental na kapansanan.
Ang bawat benepisyo ay may mga limitasyon batay sa kita (aplikante at mga miyembro ng pamilya na kasamang nakatira sa bahay) at mga tatanggap ng pampublikong pensiyon.

Ang Child Rearing Allowance ay babayaran sa ika-11 ng mga odd number na buwan, at ang Aichi Prefecture Orphan Allowance at Anjo City Orphan Allowance naman ay babayaran sa ika-25 ng mga odd number na buwan, kung saan ang babayarang halaga ay 2-buwang allowance, sa itinalagang bank account.
Gayunpaman, kung ang petsa ng pagbabayad ay natapat sa isang Sabado, Linggo, o holiday, ito ang ililipat sa mas maagang araw ng negosyo ng institusyong pampinansyal.

Ang Children's Club ay isang after-school na probrama na sumusuporta sa pag-aalaga ng kabataang Grade 1 hanggang Grade 6 na estudyante sa elementarya, na ang mga magulang ay wala sa bahay sa araw dahil sa trabaho o pagkakasakit.
May buong araw na serbisyo tuwing araw ng Sabado at bakasyon sa summer.

5,200 yen/buwan (8,600 yen para sa Agosto lamang)
1,000 yen na bukod na bayad para sa meryenda.

Ang reception counter ay bukas mula Lunes hanggang Biyernes, 8:30 a.m. hanggang 5:15 p.m. (hindi kasama ang mga pambansang holiday at mga holiday sa katapusan ng taon at Bagong Taon).
Pakisuyong mag-apply mula ika-1 hanggang ika-20 ng buwan bago ang buwan na nais mong gamitin ang serbisyo (sa susunod na araw kung ang ika-20 ay natapat sa isang Sabado, Linggo, o pambansang holiday).
Gayunpaman, kung nais gumamit mula Abril 1 ng bagong taon, nakatakda ang panahon ng aplikasyon sa Nobyembre ng nakaraang taon.
Pakisuyong kontakin ang Anpa-Ku para sa impormasyon kung paano mag-apply.

Layunin ng Nursery School ang magbigay ng serbisyong childcare sa mga bata na nangangailangan ng pangangalaga sa kadahilanang ang kanilang mga magulang ay nagtatrabaho o may mga sakit.

0 taong gulang hanggang sa edad ng pagpasok sa elementarya.

Ang halaga ng bayad ay base sa status ng taxable income ng pamilya at sa edad ng bata.

Kailangang mag-apply bago ang ika-1 ng buwan (Kung ika-1 natapat sa isang Sabado, Linggo o Piyesta Opisyal, malilipat ito sa pinakahuling araw na bukas ang opisina sa nakaraang dalawang buwan) bago ang buwan ng iyong nais na pagpasok sa Nursery.
Kumonsulta lamang sa Child Care Department para sa mga katanungan.

Layunin ng Kindergarten na bigyan ng edukasyon at panatiliin ang matiwasay na mental at pisikal na kalagayan ng mga kabataang nasa pre-school (Mula sa edad na 3 hanggang sa pagpasok ng Elementarya).

Pakisuyong kontakin nang direkta ang bawat kindergarten.

Ang mga Certified Children’s Center ay mga pasilidad kung saan pinagsamasa ang tungkulin ng Nursery at Kindergarten.

Mag-apply lamang bago ang ika-1 ng buwan (Kung ang ika-1 ay natapat sa isang Sabado, Linggo o Piyesta Opisyal, malilipat ito sa pinakahuling araw na bukas ang opisina sa nakaraang dalawang buwan) bago ang buwan ng iyong ninanais na pagpasok.
Makipag-ugnay lamang sa Child Care Department para sa mga katanungan.

Mayroong mga Public Certified Children's Center at Private Certified Children's Center.
Para sa karagdagang impormasyon, direktang magtanong sa bawat Children’s Center.

Sa Japan, ang pagpasok sa paaralan ay magsisimula sa Abril at magtatapos sa Marso.
Ang mga anak ng dayuhan ay maaari ring pumasok sa Pampublikong Elementarya, junior high school, at kapag nagtapos ng junior high school, ay maaaring makapasok sa senior high school o sa unibersidad kung saan nila nais pumasok, o kaya naman ay magsimula na ng pagtatrabaho.
Pakisuyong kontakin kami para sa mga detalye tungkol sa paglipat sa paaralang elementarya at junior high school.
Para sa mga detalye tungkol sa pampubliko at pribadong paaralang elementarya at junior high school, mangyaring direktang makipag-ugnay sa mga paaralan.

Diagram ng Japanese Education System (Halimbawa)（PDF：49KB）

Para sa mga nahihirapan sa pamumuhay, mayroong sistema na nagbibigay ng tulong para sa mga gamit sa paaralan, pananghalian sa paaralan, atbp., depende sa kanilang pinansyal na sitwasyon.
Pakisuyong kontakin ang bawat paaralan para sa mga detalye.

Ang sistemang ito ay nagbibigay ng kinakailangang pondo para sa estudyanteng may angking galing sa akademya na nahihirapang pumasok sa senior high school dahil sa pinansyal na dahilan.

Ang sistemang ito ay nagbibigay ng tulong sa bayarin ng matrikula para sa mga magulang o guardian ng estudyanteng papasok sa pribadong senior high school mula Oktubre 1 ng taon.
Ang mga guardian ng mga mag-aaral na exempted sa pagbabayad ng buong halaga ng matrikula ay hindi magagamit ang sistemang ito.

Ang Lungsod ng Anjo ay may mga sumusunod na klase sa wikang Hapon.

Simula Abril 1, 2022