3.Medikal, Pensiyon at Welfare

National Health Insurance

KAIGO HOKEN (Nursing Care Insurance)

Pensiyon

Suporta para sa gastos ng pagpapagamot

Nurture Medical Care

Late-Stage Medical Care System para sa mga matatanda

Welfare para sa matatanda

Welfare para sa mga taong may kapansanan

Ang National Health Insurance (N.H.I) ay isang sistema para sa pampublikong kapakanan na nagbibigay-daan para makatanggap ng medikal na pangangalaga o paggagamot sa abot kayang halaga sa oras ng pagkakasakit o pagkapinsala.
Ang bahagi ng binabayarang gastos na sinasagot ng N.H.I ay kinukuha mula sa buwis o insurance tax na binabayaran ng miyembro ng insurance, mula sa gobyerno, at iba pa.
Bukod pa rito, ibinabahagi din ng siyudad ang mga yaman nito para kahit papaano ay mapagaan ang gastos na pasan ng mga residenteng mamamayan.

Ang mga taong nakarehistro bilang residente ng Anjo City (Bukod sa mga dayuhang may status ng pananatili sa bansa na may layuning pagpapagamot, pagiging turista o para sa mga recreational activity) at hindi naka-enroll sa Health Insurance ng pinagtatrabahuang kumpaniya ay kailangang kumuha ng National Health Insurance sa Anjo City.
Maging ang mga dayuhang nakarehistro sa Anjo City ay kinakailangang kumuha ng National Health Insurance.

Ang halaga ng insurance tax ay depende sa bilang ng miyembro ng pamilya sa sakop ng National Health Insurance System at sa halagang kinita sa nakaraang taon, dahil dito nagpapalit ang halaga ng tax kada taon.
Ang insurance tax ay binabayaran ng pinuno ng sambahayan at ang bayad sa loob ng isang taon ay hinahati sa siyam (9) na beses.
Maaari itong bayaran ng cash, paglipat ng halaga sa bangko, paggamit ng credit card, o gamit ang smartphone application.
Kung sa pamamagitan ng paglipat ng halaga sa bangko ang gagamitin, kinakailangan ang Bank Book at Stamp (Bilang patakaran. Ang paglipat ng halaga sa bangko ay ipinapakiusap kapag papasok sa sistema nang mahigit sa tatlong buwan).
Para sa mga taong may edad na 65-taong gulang at pataas, maaari itong ibawas sa halaga ng pensiyon.

Kung naaangkop sa mga sumusunod na kwalipikasyon, kinakakailangan na kayo ay umalis sa sistema ng National Health Insurance.
Tandaan lamang na sa oras na umalis sa National Health Insurance ay hindi na magagamit ang Insurance ng Anjo City.
Kung sakaling nagamit, ang kaukulang halaga ay kailangang ibalik sa Anjo City.

Ang Nursing Care Insurance, kung saan naka-enroll ang lahat ng residente na may edad na 40 taon at pataas sa siyudad ng Anjo, ay itinatag bilang serbiyong maaaring gamitin para sa mga taong may pangangailangan sa pang araw-araw na pangangalaga at suporta tulad ng nasa banig ng karamdaman at sakit ng pagkalimot.

Sa pangkalahatang tuntunin, ang lahat ng tao na higit sa 40 taong gulang na nakatira sa Japan, anumang nasyonalidad, ay dapat magbayad ng nursing care insurance.

Ipinagkaloob sa ilalim ng Nursing Care Insurance ang Home Care Service kung saan maaaring tumanggap ng pag-aalaga at suporta sa sariling tahanan (Pagbisita at pag-alaga, daycare, atbp.) at sa mga pasilidadn pang-serbisyo ng pag-aalaga.
Kailangan isagawa ang nararapat na aplikasyon at pag-apruba bago magamit ang serbisyong ito.
Bagama’t hindi na kinakailangang magbigay ng dahilan sa aplikasyon ng miyembrong nasa 65-taong gulang at pataas, ang aplikasyon ng mga nasa 40 hanggang 64 taong-gulang ay inaaprubahan lamang kapag ang sanhi ng pagkakasakit at paghihingi ng nursing care o suporta ay dala ng pagtanda.
Pagkatapos maaprubahan ang aplikasyon, humiling ng iyong ninanais na serbisyo sa In-House Nursing Care Support Center kung saan isasagawa ang isang caregiving plan (Schedule/Plano na naglalarawan kung saan, kailan, at anong uri ng serbisyo ang kailangan) na ibinabagay sa pisikal at mental na kalagayan ng aplikante.
Ang gagamit ng serbisyong ito ay kailangan lamang magbayad ng 10% (Kung mataas ang sahod na mahigit sa itinakdang halaga na may edad 65 taon at pataas ay 20% or 30%) ng halaga ng magagastos sa Nursing Care Services.

Ang sistema ng pensiyon ay itinatag upang bigyang lunas ang mga suliraning dala ng pagtanda, pagkapinsala, pagkamatay, at iba pa. Kahit anong nasyonalidad, ang lahat ng naninirahan sa Japan mula 20 hanggang 60-taong gulang ay kailangang sumali sa sistema ng pensiyon ng bansa.
Sakop ng sistema ng pampublikong pensiyon ang National Pension Program kung saan maaaring isagawa ang aplikasyon sa tanggapan ng City Hall, at mayron din Employees’ Pension Program kung saan maaaring isagawa ang aplikasyon sa kumpanya na iyong pinag-tatrabahuan.

May fixed insurance fee na dapat bayaran ng pantay sa 40 na taon mula 20 hanggang 60-taong gulang at maaari rin na gawin ang karagdagang premium kung saan mas mapapalaki ang tatanggaping halaga sa hinaharap.
Depende sa kundisyon para sa may mga planong magpa-exempt sa mga taong nahihirapan sa pagbayad ng halaga ng pensiyon sa kadahilanang panpinansyal.

Ang mga miyembro ng Health Insurance ay maaaring tumanggap ng suporta para sa mga ginastos sa pagpapagamot.
Isagawa ang aplikasyon at tumanggap ng Medical Care Certificate (Jukyushasho) at pumunta sa institusyong medical, mabibigyan ka ng subsidyo para sa iyong sariling mga gastusing medikal na sakop ng insurance kung ipapakita mo ang iyong Health Insurance Card at Medical Care Certificate.
Ngunit para sa mga pagamutan na nasa labas ng Aichi Prefecture, kailangang ipakita lamang ang sariling Health Insurance Card at bayaran muna ang halagang kailangan at pagkatapos ay mag-request ng refund sa City Hall at ang nagastos na halaga ay ibabalik sa susunod na mga araw.
Para sa detalyadong impormasyon, sumangguni lamang sa tanggapan.

Maaaring mawalan ng karapatang tumanggap ng benepisyo kapag umalis ng Japan, lumipat ng tirahan sa ibang siyudad o kapag nawalan ng karapatan magkaroon ng Health Insurance. Ang Medical Care Certificate ay kailangang isauli sa tanggapan.
At kung nagamit ang Medical Care Certificate pagkatapos mawalan ng bisa ang pagtanggap ng benepisyo, kailangang maibalik sa siyudad ng Anjo ang halaga ng suporta na iyong tinanggap.

Dahil hindi pa masyadong malakas ang katawan ng batang kapapanganak, kapag sila ay napagka-alamang kailangan ng pag-nurture sa pamamagitan ng pagpapanatili sa ospital at alaga ng isang doktor, ang gastusin ay suportado kapag ipapakita ninyo sa ospital ang Nurture Medical Care Certificate na galing sa City Hall.

Ang mga taong nasa 75-taong gulang at pataas (65-taong gulang at pataas naman para sa may kapansanan ayon sa Ministry of Health, Labour and Welfare) ay kinakailangang umalis sa pinag-enrollan na Medical Insurance hanggang sa kasalukuyan at lumipat sa Late-Stage Medical Care System para makatanggap ng benepisyo.
Ang Insurance Card ay ibibigay sa bawat indibidwal at ang bayad ng insurance fee ay sisingilin din sa bawat miyembro.

Ang sasagutin lamang na ratio ng singil sa pagpapagamot ay 10% o 30% depende sa iyong kabuuang kinita sa nakaraang taon (Nakaraang dalawang taon para sa Enero hanggang Hulyo). (10-30% galing Oktubre 1, 2022)

Pagsasamahin ang halaga sa pantay na halaga na naaayon sa halagang kinikita “Income Percentage Amount” at ang kabuuan nito ang magiging halaga ng babayaran.

Bangko, mga kalapit na cooperatibong pang-agrikultura, post office, city hall at sa mga sangay nito, o paglipat ng halaga sa bangko, maaari ring ibawas ang bayad sa tinatanggap na halaga ng pensiyon.

Sa loob ng siyudad, mayroong Walong (8) iba’t ibang Elderly Welfare Center para sa pagkonsulta at recreation at iba pang lugar na nagpapabuti ng kalusugan na tinatawag na “Elderly Welfare Centers”.

Sa loob ng siyudad, mayroong Walong (8) iba’t ibang Area Comprehensive Support Center（外部リンク） para sa nursing care service at health welfare service kung saan maaaring kumonsulta ang mga matatanda sa lugar na kanilang nakasanayan.

Para sa mga may pisikal na kapansanan ay “Disabled Person’s Certificate”, para sa mga may diperensya sa pag-iisip at paghasa ng kaisipan ay “Rehabilitation Certificate”, at para sa may mental na kapansanan at kakulangan sa pamumuhay sa loob ng komunidad ay “Mentally Disabled Certificate.”
Ang mga ito ay ibibigay sa nabanggit na mga taong may kapansanan at dalhin ito upang magkaroon ng benepisyo at suporta tulad ng medical treatment, pagbili ng mga aparato para tugunan ang kakulangan dahil sa kapansanan, at pagpapaayos ng iba’t ibang aparato na ginagamit, serbisyong pang-welfare at allowance. Para sa detalyadong impormasyon, magtanong lamang sa tanggapan.